Հոկտեմբերի 11-ին Զբոսաշրջության տարածաշրջանային համաժողովին ընդառաջ «Alexander Yerevan» հյուրանոցում տեղի ունեցավ «Զբոսաշրջության արդի միտումները» խորագրով պանելային քննարկումը։
Քննարկմանը մասնակցում էին՝ գործարար և դիզայներ Նինա Հովնանյանը, հայկական խոհանոցի ֆուդբլոգեր և ինֆլուենսեր Աբրահամ Բաբիկյանը, Հայաստանի պարապլաներային սպորտի ֆեդերացիայի նախագահ, Սքայ Քլաբ ընկերության հիմնադիր Արմեն Սարգիսյանը և «Armenia Travel» ընկերության համահիմնադիր Արմեն Գրիգորյանը։
Green Rock ընկերության օպերացիոն տնօրեն Նարե Հարոյանը հանդես եկավ որպես պանելի մոդերատոր։
Քննարկման ընթացքում անդրադարձ կատարվեց զբոսաշրջության արդի միտումներին, ինչպես նաև Հայաստանում զբոսաշրջության ուժեղ և թույլ կողմերին, գաստրոտուրիզմի և արկածային տուրիզմի ներկայիս վիճակին։
Միջոցառման ավարտին անցկացվեց փոքրիկ քուիզ՝ պարզելու համար ներկաների գիտելիքները Հայաստանի մասին։ Երկու հաղթողները ստացան «Tourism Regional Forum»-ին մասնակցության հրավիրատոմսեր։