ՄԵՐ ՄԱՍԻՆ

Հոկտեմբերի 26-ին և 27-ին Դիլիջանը հյուրընկալեց զբոսաշրջության ոլորտի առաջատար մասնագետներին՝ բացահայտելու նոր հորիզոններ տարածաշրջանի համար։

Զբոսաշրջության տարածաշրջանային երկօրյա համաժողովը նպատակ ուներ նպաստել տարածաշրջանում զբոսաշրջության զարգացմանը և դառնալ երկխոսության հարթակ տարածաշրջանի երկրների համար։ Համաժողովը Green Rock ընկերության նախաձեռնությունն է, որն իրականացվեց ՀՀ Էկոնոմիկայի նախարարության Զբոսարջության կոմիտեի աջակցությամբ։

Համաժողովի շրջանակներում ոլորտի մասնագետները, տեղական և միջազգային զբոսաշրջության խորհուրդների ներկայացուցիչները, զբոսաշրջության և հյուրընկալության ոլորտի ակադեմիկոսներն և հետազոտողները, ինչպես նաև ոլորտի զարգացմամբ զբաղվող պետական կառույցների ներկայացուցիչները ունեցան ելույթներ, քննարկեցին ոլորտի աճի հնարավորությունները և մարտահրավերները, նոր համագործակցությունների հնարավորությունները, ներդրումները զբոսաշրջության ենթակառուցվածքներում և ծառայություններում:

Համաժողովը տեղի ունեցավ Մոնթե Մելքոնյանի անվան  ռազմամարզական  վարժարանում:

❗️Մուտքը միայն հրավիրատոմսով: